زواج بالڠصب
ابني أو بنتي يتربوا مع واحده زيك متعرفش يعني ايه دين ولا اخلاق
قال كلامه وخرج من الاوضه وانا ببص لآثره بحزن ودموعي علي خدي
يتبع
الفصل الثاني
عزيزي زياد من امتلك قلبي منذ الوهله الاولينعم اعلم أن علامات الاستفهام ترتسم الان فوق ملامحك بينما تقرأ رسالتي الاولي والآخيرهلكن تلك هي الحقيقه والتي خبأتها بين طيات قلبي لسنواتانت من أحببته حبا يكفي لزلزله قلوب العالم أجمع سوي قلبك والذي لم يهتز يوما اعلم أنني لم ابوح يوما بتلك المشاعر وانني دوما ما افتعل المشاكل حتي اجعلك تختنق لتلتف تاركا المنزل ولكن
الزيجه فقط لتحصل علي الأموال التي انت بحاجه اليها
اخدت نفس طويل وانا بفتكر اليوم ده بكل تفاصيله المؤذيه بالنسبالي
فلاش باك
كنت لسه هدخل لبابا اوضه المكتب عشان اتكلم معاه في موضوع يخصني بس وقفت مكاني اول ما سمعت الجمله اللي خلت قلبي يتنفض
نعم ميرا بنت حضرتك
ايوه يازياد هو في غيرها
رد باستغراب اكبر
مش فاهم ليه حضرتك عايزني اتجوزها
رد بغيظ
عشان زهقت منها ومن تصرفاتهاولا عندها دين ولا اخلاق ولا بتحترمني ولا بتحترم مراتي ولا بتحب اخواتها
ولما هي فيها كل الصفات ديه عايزني انا البس فيها ليه!
وده هيفيد بأيه
هيفيد انك هتتجوزها وتربيها من اول وجديدتعلمها الدين وتعلمها ازاي تكون مطيعه وتحترم الأكبر منها
وانا هستفاد ايه من كل ده
بابا وهو بيميل بنص جسمه وبيبصلي وبيهمس بجديه
المبلغ اللي انت عايزه
بس انا كنت حابب لما اتجوز يبقي واحده بحبها وتحبني
وماله الشرع محلل اربعه
يعني يرضيك اتجوز علي بنتك
المهم اخلص منها ومن قرفهاها قولت ايه
اتنهد وبصله بحيره
بصراحه مش عارف انا....
قاطعه بغرور
الفرصه بتيجي مره واحده في العمر ولو ضيعت فرصتك الف غيرك يتمناهااخر ما ازهق هجوزها اي موظف من عندي برخص التراب لانها مش فارقه معايافكر كويس يازياد وبعدين يعني ميرا حلوه حتي لو مش هتحبها ف...
انا موافق بس مش عشان اللي في بالكانا موافق لاني محتاج الفلوس
ابتسم بانتصار وهو بيهز رأسه
بكره الساعه ٧ بليل تيجي ومعاك المأذون
تمام والفلوس
تكتب الكتاب وهكتبلك شيك بالمبلغ اللي تقول عليه
تمام
باك
مسحت دمعه شارده نزلت من عيوني وانا بكمل كتابه الرساله
تلك الليله لم تستطع أن تغفل عيناي من شده القهر وكأن هناك خناجر غرزت بقلبي
صباح اليوم التالي أخبرني ابي أنني سأتزوج ليأمرني أن اتجهز الليله وكأنني دميه يحركها اينما يشاء
حطيت ايدي علي قلبي وانا بوقف كتابه وبفتكر كلام بابا ليا وقتها وبعيط بحرقه
فلاش باك
خرجت من اوضتي بعد ما لبست ونزلت علي السلم وانا مش شايفه من كتر ما عيوني وارمه من العياط وقله النوم
لقيت بابا ومراته وعياله اللي محدش فيهم طايقني ولا طايق وجودي بالرغم اني حاولت كتير اتقرب منهم لكن كل مره كانوا بيرفضوا وجودي مدعين قدام بابا أن انا اللي مغروره ومتكبره !!
تجاهلت وجودهم وكنت لسه هخرج بس بابا وقفني
رايحه فين ياهانم
لفيت وانا برد بتعب
الكليه
لا مفيش خروج
يعني ايه
ردت مرات بابا بشماته
يعني مفيش خروج من هنا غير علي بيت جوزك يامرمر
بصيت لبابا وانا عامله نفسي مش فاهمه الحوار
يعني ايه الكلام ده
شرب
