ابويا اتجوز امك

_ابويا اتجوز امك 
قبل ما تتكلمي بس وتهلفطي انا زيي زيك لا قابل الموضوع ولا الجوازة ولا قابلك شخصيا 
_انت عبيط صح! جاي تقولي ان ابويا اتجوز امك عادي كدا دا ازاي وعلى اساس اي اصلا 
ما انا لو اعرف هقولك 
قرب مني وزق كتفي وهو بيكرر الجملة انا لو اعرف هتصرف يا آلاء انما دول حطونا قدام الأمر الواقع بيتعاملوا على انهم عيال مراهقين مش عواجيز عندهم ولاد زينا 

ابتديت اتعصب وافرك في ايدي من التوتر والعصبية وشي احمر ودماغي ھتنفجر من التفكير وقفت وانا بحط شنطتي على كتفي
_انا مش هسكت على الموضوع دا ابويا انا هعرف اتكلم معاه واخليه ينهي الموضوع دا في اسرع وقت وانت اتعامل مع امك ي دكتور ولو هو عاجبك وجايلك ع الطبطاب ف صدقني مش هسكت غير لما اقلب الدنيا فوق دماغك 
اتحركت خطوتين ووقفت لفيت ليه
_انت وامك يا يوسف
ما اديتلوش فرصة يقل أدبه وسيبته الڼار هتطلع من دماغه ومشيت مشيت وانا جوايا ڠضب الدنيا كلها
_اتغصب على خطوبتي منه وانا اللي عمري ما اتغصبت على حاجة واقول ماشي فترة وهطهقه في عيشته لحد ما يحل عني انما امه تتجوز ابويا ومن ورايا دا اللي مش هسمح بيه ي ملك بيلووا دراعي يعني ولا ايه مش فاهمة انا عمر ماحد غصبني اجيب له كوباية ماية اتحط في الموقف دا 
وديني يا ملك وديني ما هيتهنى لا هو ولا أمه 
اهدي بس يا آلاء اهدي وفكري في الموضوع من نقطة تانية شوفي السبب اللي باباكي عمل كدا عشانه طيب مش يمكن عمل كدا عشان مصلحتك
ابتسمت بسخرية وحطيت ايدي على دماغي 
_مصلحتي! وهي فين مصلحتي من كل دا هو مفكرش غير في مصلحته عارف كويس اني مبحبهوش دانا حتى مبقبلش اسمع سيرته ف يعمل اي بقا بدل ما يخلصني منه 
لا يتجوز امه عشان يفضل رابطني بيه العمر كله 
اهدي دلوقت وروحي اتكلمي مع اونكل يمكن عنده كلام يقوله انتي لازم تتكلمي معاه وتسمعي منه .
مشيت وسيبتها وانا كل الدنيا مقفلة في وشي مكنتش اتخيل اني في يوم اتخطب لحد غير مصطفى مكنتش اتخيل انه يمشي وميرجعش تاني زي ما ماما عملت واخرها انا ابقى لغيره وواحدة تانية تبقى مكان ماما موضوع صعب ومكنش ينفع يحصل اصلا 
آلاء حبيبتي تعالي عشان تتغدي
قالت الجملة كوثر والدة يوسف وهي واقفة قدام السفرة بترتب الاطباق قربت منها بخطوات ثابتة سندت بإيدي على الترابيزة وبصيت ف عينيها 
_ماتفكريش انك مطولة هنا كتير لا انتي ولا ابنك اسمكوا هيتربط بالعيلة دي ولا البيت دا هيساعك اكتر من كدا 
هو انا عملت لك اي بس يابنتي 
_ماتقوليش يابنتي 
قولتها بعصبية وانا بقرب ليها اكتر وبزعق سحبت شنطتي من ع الكرسي بنفس العصبية 
_بابا فين 
في اوضته 
سيبتها واقفة مكانها ومشيت روحتله فتحت باب الاوضة بعصبية ومن غير استئذان عكس عادتي اول ما شافني وقف وابتسم ماقدرتش ابصله 
_انت عملت كدا فعلا!
انا معملتش حاجة حرام ولا غلط 
_لا غلط ! كل حاجة اصلا غلط من اول خطوبتي للبيه لحد دخول الهانم دي البيت هنا وكإنه بيتها لحد.. 
سكتت لحظة لما عيني لمحت هدومها على سرير امي ف ابتسمت بخفوت وقلة حيلة وانا بشاور عليهم ودمعة هربت من عيني 
_لحد ما بقت هدومها مكان هدوم أمي ونومتها على سريرها شيء عادي 
انت .. انت ازاي تعمل كدا من غير ما تقولي من غير ماتعرفني انت پتكرهني وپتكره امي للدرجادي دانت عمرك ماكنت وحش معانا 
ازاي دا كله حصل ازاي قدرت تخطبني لواحد تاني ازاي خطبتلي فوق خطبتي لمصطفى 
ازاي قدرت تدخل واحدة تانية بيت أمي 
نهيت كلامي بزعيق وصوت عالي ف مسكني من دراعي بإيديه الاتنين جامد وهو پيصرخ فيا 
ماتفوقي بقا مصطفى ماټ ماټ ومش جاي تاني مبقاش ليه مكان هنا خلاص اسمه مينفعش يتذكر من غير دعوة والكلام عنه يبقى بحساب وانتي مبقتيش خطيبته خلاص انتي هتتجوزي يوسف 
وأمك ماټت ماټت يا آلاء وانا اكتر واحد استحمل وقفل على نفسه عشان خاطرك ومفكرتش حتى مجرد تفكير اني اتجوز بس ..
بدأ يتعب ف سابني وقعد على طرف السرير 
اتنهد وهو بيكمل كلامه 
بس والله يابنتي تعبت