روايه فيروز
كان كده يبقي علي بركة الله نشرب القهوه وافهمك ايه طبيعة الشغل
فيروز بإبتسامة تماام...
وشربواا القهوة وآسر فهمهاا ايه الي المفروض تعمله وطول مهوو بيشرحلهاا كان مركز مع عنيهاا وهي واخده بالهاا بس كانت بتحاول تتجاهل نظراته علي قد ما تقدر
آسر بإبتسامة بس يا ستي هو ده شغلك فهمتيي ولا تحبي اشرحلك تاني...
فيروز بإبتسامة لاء فهمت.. خلاص ..وهحاول اعمل جزء من الرسم التخطيطي انهاردة
مش مستعجل خالص....
فيروز كانت لسه هترد بس
دخل اياد وهو بيرقص وعمال يحرك وسطه ويغني طب خلي باالك..من الواد.....الواد... اناا نازل يا سعاد..يا سعاد...هجيبله الشوكلاته..لاته...واقوله تاتا تاتاا .
لكم حرية التخيل كان بيحرك وسطه ازااي
واذا بحمزة يجي من ورا اياد ويكمل ويرقص هو التاني
إياد يا سعااد..
حمزة الواد زعلان كده ليه...
إياد يا سعاد..
حمزة انجغ يا قلبي انجغ..
هما بيغنوا ويرقصوا ومش واخدين بالهم انه فيروز موجودة اصلاالغاية ما سمعواا صوت ضحك انوثي فخدواا بالهم ..
إياد يا فضحتك يا سعدية...يا ليلية باختك يا سعدييةةة كدا يا آسورتي متقولش انه في ضيوف معاك..
آسر بضحك محبتش ادخل في امورك انت وسعاد
آسر
ضحك
وراح وجه كلامه لحمزة مالك مستخبي ورا ظهره كدة ليه
حمزة وهو واقف ورا ظهر إياد معلش اصلي متوضي.....
إياد طاهرة ياختي طول عمرك
حمزة راح طلع من ورا ظهر إياد وقاله طبعاا يابني دي مش محتاجه كلام
وراح بااص ناحية الي قاعدة لسة هيقول تشرفناا بمعرفتك
حمزة بإستغراب فيروز....انتي بتعملي اي هناا
آسر بإستغراب انتواا تعرفوا بعض...
حمزة بإبتسامة دي بنت عمي...
إياد بضحك مش ملاحظ انه بنات عمك كترت الفترة دي
حمزة بضحك ملكش فيه انت
وراح وجه كلامه لفيروز قشطااا بما انك جديده يعني هتدربي تحت ايدي
إياد تؤتؤ القمر ده لازم يدرب تحت ايد واحد يقدر جماله وطبعاا دا الي هو اناا.... محسوبك إياد خريج كليه هندسة ببركة ربناا واعزب
إياد
إياد مبلاش استاذ إياد دي تقيله علي قلبي قوليلي يا ايدو
فيروز بإبتسامة قشطاا يا ايدو..
آسر ببرود عكس الي جواه خلصتواا كل واحد علي شغله بقي..
حمزة خلاص يابا متزوقش
تعالي يا فيروز هفرجك علي الشركة واعرفك علي باقي المهندسين الي هتشتغلي معاهم
ولآسر عن اذنك..
آسر بإبتسامة اتفضلي..
خرج حمزة وفيروز وفضل إياد..
آسر انت ايه الي جاب سعادتك الشركة انت مش المفروض لسة مخفتش..
إياد مين قال كدة مانا اسد قدامك اهوو
آسر بنفاذ صبر امشي يا إياد من قدامي..
إياد همشي بس كنت جاي اقولك حاجةوكان مبسوط
آسر اممم ارغي..
إياد بفرحة حمزة حدد معاك مع بابا شهد بكرة الساعة 7 بالليل..
آسربضحك مبروك..مبروك..مبروك مبروك.. مبروك ..مبروك
دي حته من فيلم غبي منه فيه للي ميعرفش الفيلم
إياد بضحك الله يبارك فيك
آسر غور بقي عايز اخلص...
إياد اوكي...
وراح خرج إياد
وآسر فضل قاعد في مكتبة مبسوط انه هيبقي هو وهي في مكان واحد..
...................................
وعدي باقي اليوم علي ابطالناا عادي جداا
سيف مشافش هناا طول اليوم وكل ما يسأل عليهاا حد من الي بيدخلوله الاكل والدواء يقوللواا مش فاضية.....
حمزة عرف فيروز علي المهندسين وبدأت تشتغل معاهم وفي نهاية اليوم حمزة روحهاا وروح هو...
شهد في اوضتهاا بتذاكر وهدي محدش شافهاا طول اليوم
في صباح يوم جديد
شهد بصوت عالي فيرووووووووز ...اصحي
فيروز بنوم عايزة اي يا بهيمه
شهد وهي بتشدهاا قومي يا بااردةة وراناا حاجات كتيرر
فيروز اتعدلت وفضلت تفرك في عنيهاا وتقول حاجات ايه الي وراناا دي...
شهد بحماس لسة هننزل المول نجيب فساتين حلوة وبعدين نرجع علي البيت هناا نستحمي ونشيل الجلخ الي عليناا ده و نحط كريماتك وماسكاتك وبرفاناتك وندلع بقي عشان
انا عايزة ألمع النهاردة.....
فيروز بضحك حلوه نشيل الجلخ ده علي اساس انه حضرتك بوتجاز يعني
شهد وهي تقلب عنيهاا ياله يا فيروز مش وقت هزارك وانا هطلع اصحي هدي الكلب عشان هي اصلاا لغاية دلوقت متعرفش انه في عريس جاي اصلاا..
وراحت قامت تجري بره الاوضة
فيروز راحت ابتسمت وقالت ربناا يفرح قلبك ويسعدك ...
وبعدين راحت ضاربة بإيديهاا علي دماغهاا وقالت اوبس..نسيت
اكلم آسر واعتذرله اني مش جاية النهاردة...
راحت مسكت التليفون وبترن عليه
فقبل ما يرد هي بتكلم نفسيهاا بسخرية يعني اغيب من تاني يوم شغل لياا والله عال اويي
آسر ألو...
فيروز الو....صباح الخير يا آسر
آسر بإبتسامة عريضة من خلف سماعة التليفون صباح النور علي القمر البلور.....
فيروز ابتسمت بصراحة كده انا عايزة اقولك حاجة...
آسر بإبتسامة قولي..
فيروز بتوتر وبسرعة بص الصراحة كدة انا مش جاية النهاردة عشان في عريس متقدم لاختي ولازم افضل معاهاا.
آسر بإبتسامة خلاص مفيش مشكلة ومبروك مقدمااا...
فيروز بإرتياح الله يبارك فيك..وشكراا جداا
آسر بإبتسامة العفو يا قمر انت تؤمر بس...
فيروز احم..طب انا هقفل دلوقت عشان هي بتناديني
آسر بإبتسامة ماشي..باي
فيروز باي
...................راحت قفلت
واتنهدت بحزن وبعدين قامت تجهز عشان تروح مع شهد...
........................
_عند هدي_
شهد دخلت عليها الاوضة وراحت فتحلهاا ستارة اوضتهاا..
هدي وهي بتسحب الغطا علي وشهاا يوووه بقي يا ماما اقفلي الستارة عايزة اناام..
شهد ببرود من عنياا
